Руслан Аляхно, які зняўся ў кліпе «Любімую не отдают», стаў заслужаным артыстам
Аказваецца, шэрагі заслужаных артыстаў папоўніла не толькі мастацкая кіраўніца Купалаўскага тэатра Вольга Няфёдава, але і поп-выканаўца Руслан Аляхно.
11.09.2021 / 18:57
Спявак заўважна павысіў сваю творчую актыўнасць з пачаткам выбарчай кампаніі мінулага года: зняўся ў кліпе на песню «Любімую не отдают», выступаў на Усебеларускім народным сходзе, асуджаў артыстаў, якія адмовіліся ехаць на «Славянскі базар», стаў настаўнікам беларускага «Х-фактара» на БТ.
Яшчэ ў 2018 годзе Аляхно быў узнагароджаны медалём Францыска Скарыны.