Ułady likvidujuć lehiendarnuju arhanizacyju, jakaja pravodziła fiestyvali «Listapad» i TIEART
Minharvykankam vyrašyŭ likvidavać «Centr vizualnych i vykanaŭčych mastactvaŭ «ART Karparejšn». Rašeńnie było pryniataje 25 žniŭnia, zaraz idzie praces likvidacyi.
27.08.2021 / 09:54
Anžalika Krašeŭskaja
«ART Karparejšn» byŭ stvorany ŭ 2010 hodzie pry padtrymcy «Biełhazprambanka» i Ministerstva kultury. Jaho niaźmiennym kiraŭnikom źjaŭlałasia kulturny mieniedžar Anžalika Krašeŭskaja.
Arhanizacyja štohod pravodziła fiestyval teatralnaha mastactva TIEART i kinafiestyval «Listapad», jakija stali forumami jeŭrapiejskaha ŭzroŭniu.
U farmacie TIEART byŭ arhanizavany Belarus Open, jaki staŭ pieršym nacyjanalnym teatralnym šoŭkiejsam. Mienavita «ART Karparejšn» zajmaŭsia prajektam TheatreHD, dziakujučy jakomu biełarusy mahli hladzieć najlepšyja zamiežnyja śpiektakli.
Taksama arhanizacyja pravodziła cykł lekcyj-kinapakazaŭ, bieźlič adukacyjnych prajektaŭ, vypuskała ŭłasnyja śpiektakli, jakija mieli stanoŭčuju acenku prafiesijnych krytykaŭ i hledačoŭ.
Likvidacyja ART Karparejšn — najmacniejšy ŭdar pa biełaruskaj kultury, jaki moža jaje adkinuć na dziesiacihodździe nazad.