Hetuju staronku niemahčyma pieraharnuć. Žorstkija FOTY zatrymańniaŭ na pratestach
Paśla vybaraŭ biełarusy sutyknulisia ź biesprecedentnym hvałtam. Tysiačy ludziej byli źbity ci paranieny. Traŭmy, ź jakimi pratestoŭcy ŭ pieršyja dni pastupali ŭ balnicy, šakavali navat miedykaŭ: apioki i rvanyja rany ad śviatłošumavych hranat, ahniastreły, čerapna-mazhavyja traŭmy, pierałomy rebraŭ i ruk, hiematomy na ściohnach i śpinie.
10.08.2021 / 09:05
9 žniŭnia 2020 hoda. Dzień vybaraŭ. Steła.
9 žniŭnia 2020 hoda. Daktary akazvajuć pieršuju dapamohu paciarpiełamu demanstrantu.
Dakładnaja kolkaść paciarpierych nieviadomaja. Biełaruskija pravaabaroncy ŭ vieraśni pieradali ŭ AAN 450 zadakumientavanych vypadkaŭ katavańniaŭ i žorstkaha abychodžańnia z zatrymanymi i pratestoŭcami. Pa infarmacyi «Miedyjazony» ŭ žniŭni-vieraśni 2020 hoda achviarami dziejańniaŭ siłavikoŭ stała nie mienš za 1400 čałaviek. Siarod ich u tym liku žančyny i padletki. Ale hvałt praciahvaŭsia i paśla hetaha.
Śledčy kamitet paviedamlaŭ, što na 17 žniŭnia 2020 hoda z zajavami ab atrymańni cialesnych paškodžańniaŭ pry zatrymańni ci ŭ časie znachodžańni ŭ izalatary da ich źviarnułasia 700 čałaviek. Padčas učorašniaj razmovy z Łukašenkam SK nazvaŭ novuju ličbu — 5000. Nivodnaj kryminalnaj spravy pa hetych faktach tak i nie było zaviedziena.
Tahačasny ministr MUS Juryj Karajeŭ zajaŭlaŭ, što ŭ pieršyja dni pratestaŭ paciarpieŭ 131 supracoŭnik milicyi. Pra pabitych siłavikoŭ vykazvaŭsia i Alaksandr Łukašenka. «39 ci 40 rabiat, pierałamanych, i z pazvanočnikami pierałamanymi amapaŭcy dahetul lažać u špitali. A niekatoryja nikoli ŭžo nie ŭstanuć i da žonki svajoj nie padpaŭzuć», — kazaŭ jon u vieraśni ŭ intervju RT. Ale ni fota siłavikoŭ z takimi traŭmami, ni ich samich u sudach nichto nie bačyŭ.
Naprykancy žniŭnia 2020-ha Hienprakuratura abviaściła, što stvaryła Mižviedamasnuju kamisiju pa rasśledavańni aktaŭ hvałtu z boku supracoŭnikaŭ orhanaŭ. Jaje ŭznačaliŭ vychadziec z KDB Dźmitryj Hara (ciapierašni kiraŭnik SK). Pra vyniki pracy hetaj kamisii ničoha nie viadoma.
Ułady sprabujuć pierakanać, što hvałtu nie było. Što 60% fota ź siniakami — fejk. Ale ścierci tysiačy fotazdymkaŭ i videa niemahčyma.
15 lipienia 2020 hoda. Dzień, kali brali ludziej, jakija pryjšli da CVK padać skarhi.
4 žniŭnia 2020 hoda. Mitynh Cichanoŭskaj u Słucku sarvany, ludziej zatrymlivajuć.
10 žniŭnia 2020 hoda. Začystka la «Karony» na Kalvaryjskaj u Minsku. Adzin ź siłavikoŭ strelić u žurnalistku «Našaj Nivy» Natallu Łubnieŭskuju, jana paŭtara miesiacy pralažyć u balnicy z kulavym ranieńniem.
10 žniŭnia 2020 hoda. Na vulicach stalicy ŭtvarajucca vializnyja zatory. Mnohija kiroŭcy pacierpiać u časie razhonu, kali ŭ mašyny buduć kidać śviatłošumavyja hranaty, a kiroŭcaŭ pačnuć vyciahvać i kidać u aŭtazaki.
10 žniŭnia 2020 hoda. Razhon na Puškinskaj.
10 žniŭnia 2020 hoda. Uvachody i vychady ŭ mietro kantralujuć siłaviki. Ludziej chapajuć i vałakuć u aŭtazaki.
10 žniŭnia 2020 hoda. U toj dzień mnohija atrymali ciažkija ranieńni.
10 žniŭnia 2020 hoda.
12 vieraśnia 2020 hoda. Siłaviki razhaniajuć žančyn, jakija sabralisia na płoščy Svabody.
23 vieraśnia 2020 hoda. Dzień tajemnaj inaŭhuracyi Łukašenki.
23 vieraśnia 2020 hoda.
23 vieraśnia 2020 hoda. Uviečary ludziej praciahvajuć chapać u Minsku.
23 vieraśnia 2020 hoda.
23 vieraśnia 2020 hoda.
26 vieraśnia 2020 hoda. Žančyn žorstka chapajuć na žanočym maršy.
26 vieraśnia 2020 hoda. Mnohija dziaŭčaty vychodzili na maršy ŭ lohkich śvietłych sukienkach — tak ich i zabirali na sutki.
26 vieraśnia 2020 hoda. U Niny Bahinskaj hruba vyryvajuć z ruk ściah.
1 listapada 2020 hoda. Paciarpiełamu padčas niadzielnaha maršu ŭ Kurapaty akazvajuć dapamohu miedyki z Čyrvonaha Kryža.