«Razumny hadzińnik» dapamoh raskryć zabojstva dziaŭčyny ŭ Hrecyi. Hadžet pracavaŭ, a muž śćviardžaŭ, što žonka zabitaja
33-hadovy piłot pryznaŭsia ŭ zabojstvie svajoj maładoj žonki, brytanki Kerałajn Kraŭč. Złačynstva, jakoje ŭzrušyła Hrecyju, adbyłosia 11 maja. Dziaŭčyna była zabitaja ŭ siabie doma. Jak śćviardžaŭ jaje muž, troje rabaŭnikoŭ nibyta ŭvarvalisia ŭ ich dom u Afinach, źviazali jaho i zadušyli žonku, piša Bi-bi-si.
19.06.2021 / 09:10
Fota ź instahrama
Babisa Anahnastopułasa aryštavali paśla taho, jak u čaćvier jon pryjšoŭ na paminalnuju słužbu svajoj pamierłaj žonki na vostravie Ałanisas, dzie jana vyrasła.
20-hadovaja Kraŭč naradziłasia ŭ Vialikabrytanii i ŭ dziacinstvie pierajechała z baćkami na hety vostraŭ, a zatym vyjšła zamuž, naradziła i žyła ŭ pryharadzie Afin Hlika-Niera, dzie i była zabitaja.
Palicyja pačała pošuki bandy, jakaja, pa słovach Babisa Anahnastopułasa, napała na ich dom, zabiła žonku i skrała 15 tysiač jeŭra.
Było navat abvieščana ab uznaharodzie ŭ pamiery 300 tysiač jeŭra za dakładnuju infarmacyju ab zabojcach, jakija ŭčynili varvarskaje złačynstva.
Pa padazreńni ŭ zabojstvie byŭ zatrymany ŭradženiec Hruzii, jaki ŭ pieršyja dni paśla rasśledavańnia pierasiakaŭ miažu z susiedniaj Bałharyjaj.
Ale rasśledavańnie pakazała, što jon nie vinavaty, a techničny analiz hadžetaŭ, jakimi karystalisia Kerałajn i jaje muž, pakazaŭ, što jon chłusić.
«Razumny hadzińnik» Kerałajn Kraŭč pakazaŭ, što jaje serca ŭsio jašče biłasia ŭ toj čas, kali, jak śćviardžaŭ jaje muž, jana ŭžo była zabitaja. A datčyk aktyŭnaści na telefonie Babisa Anahnastopułasa pakazaŭ, što jon chadziŭ u toj čas, kali, pavodle jaho słoŭ, byŭ źviazany.
Akramia taho, chranałohija i čas złačynstva, jakija apisvaŭ muž, adroźnivajucca ad taho, što zapisali chatnija kamiery sačeńnia.
Na paminalnaj słužbie, alpha.tv
Detektyvy padyšli da jaho paśla paminalnaj słužby na Ałonisie ŭ čaćvier, paprasiŭšy jaho pajechać ź imi ŭ Afiny, zajaviŭšy, što ŭ rasśledavańni adbyŭsia praryŭ i jany chočuć ustalavać asobu padazravanaha. I tolki tady, kali jaho pryvieźli ŭ stalicu Hrecyi, Anahnastopułasu skazali, što jon i jość padazravany.
Babis Anahnastopułas pryznaŭsia ŭ zabojstvie paśla vaśmihadzinnaha dopytu. Jon taksama raspavioŭ pra toje, što jany z žonkaj časta svarylisia ŭ apošni čas.
Rasśledavańnie hetaha złačynstva było nastolki važna, što nacyjanalnaje telebačańnie Hrecyi pierapyniła tranślacyju futbolnaha čempijanatu Jeŭra-2020 u čaćvier viečaram, kab paviedamić padrabiaznaści pryznańnia.
Minaki i mašyny navat spynialisia la kafe i baraŭ z televizarami, jakija pracavali, kab pačuć apošnija naviny ab hetaj trahiedyi, paviedamlaje karespandent Bi-bi-si Kostas Kukumakas.