Koła ahladu ŭ parku Horkaha atakavali pčoły. Jaho spynili za piać hadzin da zakryćcia
Zdareńnie adbyłosia ŭ niadzielu.
07.06.2021 / 14:20
U samy razhar, kali ŭ parku było šmat ludziej, prylacieŭ roj pčoł. My byli vymušanyja tut ža spynić koła, kab nie paciarpieli naviedvalniki. Źviazalisia z MNS — raspavioŭ «Minsk-navinam» pradstaŭnik Minskzielanbuda Siarhiej Ražnoŭ.
U paniadziełak u parku vychodny, tamu supracoŭniki i ratavalniki pryniali sumiesnaje rašeńnie, źbierahčy nasiakomych — pčołam dali čas samim pakinuć koła.
Užo ranicaj 7 červienia bolšaja častka roja palacieła — zastałasia litaralna jaho tracina. Jak adznačyŭ S. Ražnoŭ, čakajecca, što i jany chutka pakinuć atrakcyjon. U advarotnym vypadku ŭ situacyju voźmuć pad kantrol supracoŭniki MNS.
Raniej nasiakomyja ŭžo ŭmiešvalisia ŭ zabavy minčukoŭ, tady heta byli vosy i šeršni. Ale pčoły zaŭvažanyja ŭpieršyniu za apošnija hady.