U Ryzie padčas praviadzieńnia ČS pa chakiei zamianili dziaržaŭny čyrvona-zialony ściah na bieł-čyrvona-bieły
24.05.2021 / 18:00
U Ryzie padčas praviadzieńnia čempijanatu śvietu pa chakiei zamianili dziaržaŭny čyrvona-zialony ściah na nacyjanalny bieł-čyrvona-bieły.
U stalicy Łatvii ciapier prachodzić čempijanat śvietu pa chakiei, i ŭ centry horada ŭstanavili ściahi krain-udzielnic. Siarod hałoŭnych dziejučych asob — mer Ryhi razam ź ministram zamiežnych spraŭ.
«Siarod ściahoŭ čempijanatu pa chakiei my padymajem ściah svabodnaj Biełarusi! Hety ściah mnie davieryli palityčnyja ŭciekačy ź Biełarusi. Ściah, jaki simvalizuje režym, jaki ažyćciaŭlaje dziaržaŭny teraryzm, niedarečny ŭ haradskim asiarodździ Ryhi — tamu my jaho źniali!» — napisaŭ mer stalicy Łatvii.