Мужа палітзняволенай праваабаронцы Таццяны Гацура-Яворскай дэпартуюць з Беларусі на 10 гадоў

Ён мусіць пакінуць Беларусь цягам трох дзён.

15.04.2021 / 10:51

Як стала вядома «Белсат», мужа затрыманай праваабаронцы Таццяны Гацура-Яворскай — Уладзіміра Яворскага дэпартуюць з Беларусі. 

Сёння яго жонцы мусяць выставіць абвінавачванні ці адпусціць.

Раней паведалялася, што Таццяне Гацура-Яворскай можа быць выстаўлена абвінавачанне па арт. 293 КК ч. 3 («Фінансаванне масавых беспарадкаў»). 5 красавіка яна была затрыманая і адпраўленая ў ізалятар разам з іншымі арганізатарамі выставы «Машына дыхае, а я — не». Яе калег аштрафавалі.