Knihu «Biełaruskaja nacyjanalnaja ideja» mohuć pryznać ekstremisckaj

31.03.2021 / 15:00

Adzin z aŭtaraŭ knihi Źmicier Łukašuk, Jeŭraradyjo

4 sakavika Minskaja abłasnaja ekśpiertnaja kamisija pa acency infarmacyjnaj pradukcyi dała zaklučeńnie, što kniha ŭtrymlivaje «prykmiety prajaŭleńnia ekstremizmu», paviedamlaje Jeŭraradyjo.

Kniha vyjšła z druku ŭ 2020 hodzie. Jaje składajuć hutarki ŭ prahramie «Ideja Ch» na Jeŭraradyjo, jakija Źmicier Łukašuk i Maksim Harunoŭ viali ŭ efiry z samymi roznymi ludźmi.

Heta byli fiłosafy, litaratary, muzyki, mastaki, dypłamaty, historyki, ajcišniki — ahułam 85 intervju, 600 staronak. Łukašuk i Harunoŭ sprabavali vyśvietlić, jakaja jana, nacyjanalnaja ideja, i ci jość jana ŭvohule.