Ci pajedzie Rumas na rabotu ŭ Maskvu? Vyhladaje, što jašče nie viedaje sam
Były premjer Siarhiej Rumas vyłučany kandydatam u naziralnuju radu Raśsielhasbanka, adpaviedny śpis kandydataŭ padpisaŭ rasijski premjer-ministr Michaił Mišuścin. Ale ci varta čakać adjezdu Rumasa ŭ Maskvu? Hetaje pytańnie pakul vyhladaje niavyrašanym.
23.03.2021 / 10:34
Siarhiej Rumas, fota Siarhieja Hudzilina
Jak stała viadoma «Našaj Nivie» ad krynic u akružeńni Rumasa, heta pryznačeńnie ŭzhadniałasia jašče vosieńniu, da emihracyi byłoha premjer-ministra. Ale asablivaść biurakratyi ŭ tym, što praces raściahnuŭsia amal na paŭhoda.
Čytajcie taksama: Stała viadoma, dzie znachodzicca Siarhiej Rumas i ŭ čym sens pretenzij da jaho
Rumas z Łondana: Ja žyvy, nie aryštavany. Dziakuj, što chvalujeciesia
Uklučeńnie ŭ śpis naziralnaj rady nie patrabuje štodzionnaj pracy, chutčej, heta kansultatyŭnaja nahruzka, jakaja ŭ bankaŭskaj śfiery tradycyjna vysoka apłačvajecca.
Ciapierašniaje rašeńnie stała niečakanaściu dla Rumasa, jaki razdumvaje, ci varta addavać ciapier siabie ŭ ruki ruskich, jakija va ŭmovach zaviedzienaj kryminalnaj spravy ŭ Biełarusi mohuć rasparadzicca jaho losam zhodna sa svaimi, a nie jahonymi intaresami.
Sam Rumas situacyju nie kamientuje.
Kali jon pahodzicca na atrymańnie pasady, a Minsk paličyć heta svojeasablivym zaprašeńniem na palityčnyja «ahledziny», to možna čakać chvalu dyskredytacyi byłoha premjera i razdźmuchvańnia pakul što cichaj «spravy siabroŭ Rumasa».