Madura zajaviŭ pra pieramohu Vieniesueły nad Trampam

Prezident Vieniesueły Nikałas Madura nazvaŭ «pieramohaj Vieniesueły» sychod z pasady prezidenta ZŠA Donalda Trampa. Jon pramoviŭ hetyja słovy, vystupajučy na ŭručeńni Nacyjanalnaj premii ŭ halinie kultury.

21.01.2021 / 09:32

«Siońnia, 20 studzienia, syšoŭ Donald Tramp. Syšoŭ, syšoŭ, syšoŭ! My jaho pieramahli. Heta pieramoha dla Vieniesueły. Jon syšoŭ zusim adzin (…) Heta naš tryumf», — skazaŭ vieniesuelski lidar.

Jon padkreśliŭ, što čakaje palapšeńnia stasunkaŭ z ZŠA pry Administracyi Džo Bajdena, ale nahadaŭ, što z sychodam Trampa amierykanskaja «impieryja» zastajecca na miescy. Jon nahadaŭ, što abrany Bajdenam daradca ŭ mižnarodnych spravach Entani Blinkien padtrymlivaje apazicyjnaha vieniesuelskaha palityka Chuana Huajda.

U apošni dzień na pasadzie Tramp paśpieŭ uvieści novyja sankcyi suprać režymu Madury.