Кіраўнік еўрапейскай дыпламатыі: ЕС працягне падтрымліваць беларускі народ столькі, колькі неабходна
23.12.2020 / 16:56
ЕС працягне падтрымліваць беларускі народ столькі, колькі неабходна. Аб гэтым заявіў вярхоўны прадстаўнік Еўрасаюза па замежнай палітыцы і палітыцы бяспекі Жазеп Барэль.
«ЕС працягне падтрымліваць беларускі народ столькі, колькі неабходна, у абароне яго фундаментальнага права выбіраць свайго прэзідэнта на свабодных і сумленных выбарах. І ён гатовы істотна павялічыць свой удзел і падтрымку дэмакратычнай Беларусі за кошт павелічэння фінансавай дапамогі і сектаральнага супрацоўніцтва», — напісаў прадстаўнік ЕС.
Барэль паведаміў, што ЕС ужо правёў «поўную рэвізію» адносін з Беларуссю. У выніку скарочаныя палітычныя кантакты і «сектаральныя дыялогі» з уладамі, прыпыненая альбо спыненая фінансавая падтрымка цэнтральнай улады. Павялічана падтрымка насельніцтву краіны.