Кіраўнік кампаніі «Сінэзіс», якая трапіла пад санкцыі: Спадзяюся, работнікам не забароняць выезды і візы
17.12.2020 / 18:11
У апублікаваны санкцыйны спіс Еўрасаюза трапіла кампанія «Сінэзіс».
Матывіровачнай часткі рашэнняў па кожным з суб'ектаў няма, таму пакуль незразумела, за што ў спіс трапіла канкрэтна гэтая кампанія.
Кіраўнік «Сінэзіса» Аляксандр Шатроў так пракаментаваў «Нашай Ніве» падзеі дня:
«Пакуль мы разбіраемся, што могуць азначаць санкцыі для кампаніі і работнікаў. Па ідэі санкцыі не павінны мець прамога ўплыву на работнікаў: забароны на візы, паездкі і гэтак далей. У любым выпадку будзем аказваць супрацоўнікам максімальную дапамогу. Відавочна, што мы не згодны з рашэннем і будзем яго аспрэчваць», — сказаў Шатроў.