Z 21 śniežnia Biełaruś zakryvaje naziemnyja miežy na vyjezd
abnoŭlena
10.12.2020 / 00:20
Z 21 śniežnia Biełaruś zakryvaje miežy krainy na vyjezd hramadzian Biełarusi i zamiežnikaŭ. Aficyjnaja pryčyna — karanavirus.
Pra heta havorycca ŭ pastanovie Savieta ministraŭ №705 ad 7 śniežnia 2020 hoda.
Abmiežavańni buduć datyčycca naziemnych pamiežnych punktaŭ, vylecieć ź Biełarusi na samalocie pa-raniejšamu budzie dazvolena.
Vyjazdžać z krainy zmohuć kiroŭcy fur i kamandzirovačnyja.
Taksama buduć vypuskać tych, chto maje zamiežnuju pracoŭnuju damovu ci vučycca za miažoj, a taksama tych, u kaho jość dazvoł na žyćcio u inšaj krainie. Ale im možna budzie vyjazdžać nie čaściej čym raz na paŭhoda. Najaŭnaść hetaj normy ŭ pastanovie Saŭmina № 705 daje padstavy dumać, što abmiežavańnie svabody vyjezdu moža być nadoŭha.