Zatrymali jašče adnaho administratara Telegram-kanała «Kiroŭcy 97»
06.11.2020 / 22:05
Minčanku zatrymali pa padazreńni ŭ kiravańni Telegram-kanałam «Kiroŭcy 97», paviedamili ŭ pres-słužbie MUS.
Paviedamlajecca, što zatrymanaja źjaŭlajecca arhanizataram i kaardynataram akcyj pratestu ŭ Minsku, jakija supravadžalisia błakavańniem prajeznaj častki i siłavym supracivam supracoŭnikam MUS.
Na dadzieny momant minčanka prachodzić pa raniej zaviedzienaj u dačynieńni da administrataraŭ dadzienaha Telegram-kanała kryminalnaj spravie ŭ jakaści padazravanaj.
Nahadajem, u kancy kastryčnika pa hetaj spravie byli zatrymanyja 28-hadovaja žycharka stalicy, jakaja taksama była administrataram Telegram-kanała «Kiroŭcy 97», piać najbolš aktyŭnych udzielnikaŭ hetaha čata, i admin z hetaha ž kanała ŭ miesiendžary.