Затрымалі яшчэ аднаго адміністратара Telegram-канала «Кіроўцы 97»
06.11.2020 / 22:05
Мінчанку затрымалі па падазрэнні ў кіраванні Telegram-каналам «Кіроўцы 97», паведамілі ў прэс-службе МУС.
Паведамляецца, што затрыманая з'яўляецца арганізатарам і каардынатарам акцый пратэсту ў Мінску, якія суправаджаліся блакаваннем праезнай часткі і сілавым супрацівам супрацоўнікам МУС.
На дадзены момант мінчанка праходзіць па раней заведзенай у дачыненні да адміністратараў дадзенага Telegram-канала крымінальнай справе ў якасці падазраванай.
Нагадаем, у канцы кастрычніка па гэтай справе былі затрыманыя 28-гадовая жыхарка сталіцы, якая таксама была адміністратарам Telegram-канала «Кіроўцы 97», пяць найбольш актыўных удзельнікаў гэтага чата, і адмін з гэтага ж канала ў месенджары.