«Лейкерс» у 17-ы раз сталі чэмпіёнамі НБА
12.10.2020 / 08:29
Баскетбольны клуб «Лос-Анджэлес Лейкерс» перамог «Маямі Хіт» у шостым матчы фінальнай серыі плэй-оф амерыканскай Нацыянальнай баскетбольнай асацыяцыі. «Лейкерс» выйграў з вынікам 106:93, серыя скончылася з лікам 4:2.
Такім чынам, «Лейкерс» стаў чэмпіёнам асацыяцыі 17-ы раз за сваю гісторыю (пяць перамог каманда атрымала, калі базавалася ў Мінесоце).
Па колькасці тытулаў НБА «Лейкерс» дзеліць першынство з «Бостан Сэлтыкс», які таксама станавіўся чэмпіёнам 17 разоў. На трэцім месцы «Чыкага» і «Голдэн Стэйт», у якіх па шэсць тытулаў.