Ад Караева да Ярмошынай — поўны спіс чыноўнікаў, якія трапілі пад санкцыі Еўрасаюза
02.10.2020 / 17:54
Еўрасаюз апублікаваў імёны тых, хто ўвайшоў у санкцыйны спіс з-за парушэнняў правоў чалавека і фальсіфікацый на прэзідэнцкіх выбарах у Беларусі.
У санкцыйным спісе Еўрасаюза значацца больш за 40 прозвішчаў беларускіх чыноўнікаў і афіцыйных асоб.
У спіс трапілі міністр унутраных спраў Юрый Караеў, першы намеснік міністра Генадзь Казакевіч, намеснікі міністра Аляксандр Барсукоў, Сяргей Хаменка, Юры Назаранка. Ёсць у спісе і іншыя прадстаўнікі МУС, сярод якіх — намеснік камандуючага Унутранымі войскамі Хазалбек Атабекаў, камандзір СОБРа Аляксандр Быкаў, начальнік Дэпартамента аховы Аляксандр Шэпелеў, камандзір мінскага АМАПа Дзмітрый Балаба, начальнік ГУУС Мінгарвыканкама Іван Кубракоў. Таксама ў спісе — прадстаўнікі кіраўніцтва Маскоўскага РУУС сталіцы і УУС Гомельскага аблвыканкама, начальнік УУС Брэсцкага аблвыканкама, камандзіры АМАПа Віцебска, Гомеля і Брэста, начальнік Дэпартамента выканання пакаранняў МУС Беларусі і начальнік ІЧУ на Акрэсціна.
Сярод сілавікоў у спісе таксама цяперашні сакратар Савета бяспекі Беларусі і былы старшыня КДБ Валерый Вакульчык, усе намеснікі старшыні КДБ, былы генеральны пракурор Аляксандр Канюк.
Таксама пад санкцыі патрапілі ўсе члены ЦВК на чале з Лідзіяй Ярмошынай.
Вось поўны спіс:
Юрый Караеў — міністр унутраных спраў
Генадзь Казакевіч — першы намеснік міністра ўнутраных спраў Рэспублікі Беларусь, начальнік крымінальнай міліцыі
Аляксандр Барсукоў — намеснік міністра ўнутраных спраў
Сяогей Хаменка — намеснік міністра ўнутраных спраў
Юрый Назаранка — намесніка міністра ўнутраных спраў — камандуючы ўнутранымі войскамі
Хазалбек Атабекаў — намеснік камандуючага ўнутранымі войскамі МУС
Аляксандр Быкаў — камандзір САХРа
Аляксандр Шэпелеў — начальнік Дэпартамента аховы МУС
Дзмітрый Балаба — камандзір мінскага АМАПа
Іван Кубракоў — начальнік ГУУС Мінгарвыканкама
Максім Гамола — начальнік Максоўскага РАУС г. Мінска
Аляксандр Аляшкевіч — першы намеснік начальніка — начальнік крымінальнай міліцыі Маскоўскага РУУС г. Мінска
Андрэй Галенка — намеснік начальніка Маскоўскага РАУС г. Мінска — начальнік міліцыі грамадскай бяспекі
Аляксандр Васільеў — начальнік УУС Гомельскага аблвыканкама
Алег Шулякоўскі — першы намеснік начальніка УУС Гомельскага аблвыканкама — начальнік крымінальнай міліцыі
Анатоль Васільеў — намеснік начальніка УУС Гомельскага аблвыканкама — начальнік міліцыі грамадскай бяспекі
Аляксандр Астрэйка — начальнік УУС Брэсцкага аблвыканкама
Леанід Жураўскі — камандзір віцебскага АМАПа
Міхаіл Дамарнацкі — камандзір гомельскага АМАПа
Максім Міховіч — камандзір брэсцкага АМАПа
Алег Маткін — начальнік Дэпартамента выканання пакаранняў МУС
Іван Сакалоўскі — начальнік ЦІП на Акрэсціна
Валерый Вакульчык — былы старшыня КДБ
Сяргей Церабаў — першы намеснік старшыні КДБ
Дзмітрый Равуцкі — намеснік старшыні КДБ
Уладзімір Калач — намеснік старшыні КДБ
Алег Чарнышоў — намеснік старшыні КДБ
Аляксандр Канюк — былы генеральны пракурор
Лідзія Ярмошына — старшыня Цэнтральнай выбарчай камісіі
Вадзім Іпатаў — намеснік старшыні ЦВК
Алена Дмухайла — сакратар ЦВК
Андрэй Гуржы — член ЦВК
Вольга Дарашэнка — член ЦВК
Сяргей Каліноўскі — член ЦВК
Святлана Кацуба — член ЦВК
Аляксандр Ласякін — член ЦВК
Ігар Плышэўскі — член ЦВК
Марына Рахманава — член ЦВК
Алег Сліжэўскі — член ЦВК
Ірына Цэлікавец — член ЦВК