Украіна таксама не прызнае Лукашэнку легітымным прэзідэнтам
23.09.2020 / 23:50
Міністр замежных спраў Украіны Дзмітрый Кулеба заявіў, што Украіна не прызнае Аляксандра Лукашэнку ў статусе новаабранага прэзідэнта Беларусі.
«Украіна ніколі не ўмешвалася ва ўнутраныя справы Беларусі і заўсёды будзе падтрымліваць беларускі народ. Улічваючы ход выбарчай кампаніі і наступныя падзеі, сённяшняя «інаўгурацыя» Аляксандра Лукашэнкі не азначае прызнанне яго легітымным кіраўніком беларускай дзяржавы», — адзначыў Кулеба.