Krasulina raspaviała, čym pahražali Cichanoŭskaj u kabiniecie Jarmošynaj
22.09.2020 / 22:31
Pres-sakratarka Śviatłany Cichanoŭskaj Hanna Krasulina ŭ intervju kanału «I Hrianuł Hrem» raspaviała pra toje, čym pahražali eks-kandydatcy ŭ kabiniecie Jarmošynaj.
Fota Nadziei Bužan
— Całkam vidavočna, što jana źjechała nie sama. Što jana była pastaŭlena pierad vielmi žorstkim vybaram. I hety vybar, viedajecie, uklučaŭ: albo jaje dzieci buduć raści sirotami, albo jana pakinie krainu, — raspaviała Krasulina.
Nahadajem, 10 žniŭnia Śviatłana Cichanoŭskaja pryjšła ŭ CVK, kab abskardzić vyniki vybaraŭ. Paśla hetaha suviaź ź joj źnikła, na nastupnuju ranicu stała viadoma, što Cichanoŭskuju vyvieźli ŭ Litvu biełaruskija śpiecsłužby.
Źjaviŭsia videazvarot Cichanoŭskaj, jaki byŭ zapisany ŭ kabiniecie kiraŭnicy CVK Lidzii Jarmošynaj.