БПЦ адмежавалася ад гнеўнай прамовы ігуменні Гаўрыілы на пралукашэнкаўскім канцэрце

18.09.2020 / 19:11

17 верасня на праўладным канцэрце ў Мінск-арэне перад гледачамі выступіла ігумення гродзенскага праваслаўнага манастыра Гаўрыіла. Змест яе выступу выклікаў неадназначную ацэнку сярод праваслаўных. 

Сёння прэс-сакратар БПЦ Сяргей Лепін у сваім фэйсбуку адмежаваўся ад неадназначнай прамовы ігуменні: 

«М. Гаўрыіла была на мерапрыемстве па блаславенні мітрапаліта, але сам мітрапаліт не быў інфармаваны аб тым, што гэта не проста нейкае «жаночае» мерапрыемства, але мерапрыемства з пэўным палітычным падтэкстам. Ці быў парушаны прынцып неўмяшання ў палітыку м. Гаўрыілай у яе прамове? Відаць, так. Але, у любым выпадку, матушка выказала сваё меркаванне, якое просім не ставіць у віну ўсёй БПЦ». 

Nashaniva.com