Hiendyrektar chakiejnaha «Dynama» Baskaŭ raspavioŭ svaju viersiju, čamu finski «Jokieryt» nie prylacieŭ na hulniu

03.09.2020 / 21:47

U adras kiraŭnictva «Jokieryta» i chakieistaŭ finskaha kłuba napiaredadni matču suprać minskaha «Dynama» pastupali šmatlikija pahrozy z metaj sarvać hulniu kamand. Pra heta hienieralny dyrektar minskaha CHK «Dynama» Dźmitryj Baskaŭ zajaviŭ u efiry ANT.

«Paśla taho jak ubačyŭ rassyłku na niekatorych Telegram-kanałach, dzie havorka išła pra toje, kab lubymi šlachami sarvać matč adkryćcia novaha siezona minskaha «Dynama» ŭ KCHŁ, zrazumieŭ, što budzie niejkaja ataka, bo tam byli nazvanyja adrasy internet-akaŭntaŭ hulcoŭ «Jokieryta». Patelefanavaŭ kiraŭnictvu finskaha chakiejnaha kłuba. Jany paćvierdzili, što z učarašniaha viečara było šmat pahroz na adras jak chakieistaŭ, tak i ich samich. Taksama było skazana, što rašeńnie lacieć ci nie lacieć na matč u Minsk budzie pryniata paśla narady», — prakamientavaŭ situacyju Baskaŭ.

Pajadynak pamiž biełaruskaj i finskaj kamandami pavinien byŭ pačacca siońnia a 18.00. Adnak družyna z Chielsinki nie palacieła ŭ stalicu Biełarusi.

Raniej u Finlandyi zaklikali kamandu admovicca ad matču ŭ Minsku, dzie iduć pratesty i panuje hvałt, ale «Jokieryt» usio ž taki mieŭ namier pryjechać na hulniu.