Jašče dva banki zhortvajuć kredytavańnie fizičnych asob
28.08.2020 / 16:34
Alfa-Bank z 29 žniŭnia časova prypyniaje vydaču kredytaŭ fizičnym asobam. Siońnia Bank BiełVEB prypyniŭ pryjom dakumientaŭ ad fizičnych asob na atrymańnie kredytu i pavieličeńnie pamieru kredytu pa mnohich prahramach, piša tut.by.
«Zajaŭki, jakija bank pryniaŭ da 29 žniŭnia 2020 hoda, buduć razhledžanyja ŭ indyvidualnym paradku. Usie raniej zaklučanyja damovy vykonvajucca zhodna ź ich umovami», — paviedamlajuć u Alfa-Banku.
Pry hetym pa tych kredytach, jakija siońnia jašče dastupnyja ŭ banku, maksimalnaja dastupnaja suma — 5000 rubloŭ. Raniej dla zarpłatnych klijentaŭ, da prykładu, była dastupnaja suma da 40 tysiač rubloŭ.
Bank BiełVEB z 16.00 28 žniŭnia prypyniaje pryjom dakumientaŭ ad fizičnych asob na atrymańnie kredytu i pavieličeńnie pamieru kredytu pa nastupnych prahramach kredytavańnia: «Chutki anłajn»; «Svajhosavaja»; «Klikni hrošy!»; «Spraŭnaja»; «Łahodny».
Nahadajem, z 29 žniŭnia adrazu niekalki bankaŭ spynili vydaču kredytaŭ fizičnym asobam —BPS-Śbierbank i Technabank.
Absalutbank taksama paviedamlaje, što kredytavańnie časova prypyniena.
Z 26 žniŭnia BTA Bank časova prypyniŭ vydaču spažyvieckaha kredytu «Karta tvaich mahčymaściaŭ».
Kredytavańnie ŭ RRB-Banku prypynili jašče z 18 žniŭnia.
Biełaruski Narodny bank prypyniŭ z 25 žniŭnia vydaču fizičnym asobam kredytaŭ na aŭtamabili i nieruchomaść.