Сотні тысяч дэманстрантаў на вуліцах Мінска
16.08.2020 / 17:26
Фота Надзеі Бужан
Дэманстранты занялі тратуары праспектаў Пераможцаў, Машэрава, Незалежнасці ў іх цэнтральнай частцы, вуліц Няміга, Мельнікайце, Багдановіча, Старажоўскай.
Адны ідуць ад Стэлы, другія — толькі да яе. Вуліцы запоўненыя сігналячымі машынамі.
У той жа час добрая сотня тысяч яшчэ стаіць каля Стэлы. Цяжка ацаніць агульную колькасць дэманстрантаў на вуліцах Мінска ў гэты момант. Гэта недзе паміж 400 і 500 тысячамі.