Zatrymanaja kiraŭnica štaba Cichanoŭskaj
08.08.2020 / 20:24
Zatrymanaja siońnia ŭ druhoj pałovie dnia načalnica štaba Śviatłany Cichanoŭskaj Maryja Maroz znachodzicca ciapier u CIP na Akreścina. Pra heta Tut.by paviedamiła pres-sakratarka kandydata ŭ prezidenty Hanna Krasulina.
— Jaje advieźli ŭ Frunzienski RUUS, a adtul u CIP na Akreścina. Zatrymali jaje dla ŭdziełu ŭ administracyjnym pracesie. A tak jak u vychadnyja sudy nie pracujuć, to Maroz prabudzie ŭ CIP da paniadziełka.
Hanna Krasulina kaža, što doma ŭ Maryi zastalisia dvoje niepaŭnaletnich dziaciej — syn 14-ci hadoŭ i dvuchhadovaja dačka.
— Pieradaču my joj chacieli pieradać, jana ŭ lohkaj sukiency, siońnia ž było horača. Ale zrabić heta nie ŭdałosia — siońnia ich prymali z 14.00 da 16.00.