Salidarnaść: kiroŭcu, jakoha DAI spyniła za sihnał, sabrali hrošy na štraf prosta na darozie VIDEA

07.08.2020 / 13:24

Paśla mitynhu ŭ Kijeŭskim skviery DAI spyniła niekalki kiroŭcaŭ za nibyta padaču hukavoha sihnału. Štraf za takoje pravaparušeńnie — 13,5 rubla.

Pakul chłopiec u čornaj majcy išoŭ ad milicejskaj mašyny da svajho aŭto, niekalki čałaviek padbiehli da jaho, kab pieradać hrošy na apłatu štrafa. Jašče minimum troje padkłali jamu hrošy pad dvornik.

Mahčyma, jaho navat i nie aštrafavali — vychodziačy z mašyny DAI, jon skazaŭ niekamu słovy «tolki papiaredžańnie».

Posmotrieť etu publikaciju v Instagram

Hej, biełarusy! Nie stamlajemsia paŭtarać, jakija vy krutyja! Na hetym videa chłopca zatrymała DAI za toje, što jon prajazdžaŭ z BČB-ściaham i sihnaliŭ. Nie paśpieŭ jon vyjści z mašyny DAI, a jamu ŭžo skinulisia na kampiensacyju štrafaŭ!❤️ Mikita Nedaverkaŭ

Publikacija ot Belsat TV (@belsat)

Videa Mikita Niedavierkava z «Kamsamolskaj praŭdy». Poŭnaja viersija videa tut.

Na im vidać, što hrošy pieradavali i inšym kiroŭcam, jakim pahražaŭ štraf.

Nashaniva.com