Čeračań na BT: 10 hadoŭ Biełaruś topčacca ŭ raźvićci na adnym miescy
28.07.2020 / 18:14
Kandydat na pasadu prezidenta Siarhiej Čeračań vystupiŭ u efiry BT. U svaim zvarocie jon pieravažna kazaŭ pra ekanamičnyja prablemy krainy i vykazvaŭsia na sacyjalnuju tematyku.
Palityk u vypadku abrańnia prezidentam maje namier pravodzić ekanamičnyja reformy.
10 hadoŭ Biełaruś topčacca ŭ raźvićci na adnym miescy, usio bolš adstaje ad usiaho śvietu i susiedziaŭ, ličyć Čeračań. Heta nie vypadkovaść i nie čyjaści zmova, a niepasredny vynik niedalnabačnaj ekanamičnaj palityki ŭłady, kaža palityk.
Za apošnija 10 hadoŭ rost biełaruskaj ekanomiki składaŭ mienš za 1% u hod, palityk nazvaŭ hety pieryjad zastojem. A dalej paraŭnaŭ źmieny ŭ dachodach biełarusaŭ i žycharoŭ susiednich krain.
Čeračań vykazaŭ niazhodu z ekanamičnaj palitykaj dziaržavy i pachvaliŭ niekatoryja pryvatnyja kampanii.
— Pryvatny biznes zarablaje dla Biełarusi hrošy, płacić padatki. Ale sioleta padčas nadzvyčaj situacyi, pryvatny biznes zamiest padtrymki dziaržavy atrymlivaje pahrozy i abrazy, — kaža kandydat.