U ZŠA rychtujuć zakon suprać rasijskich chakieraŭ

17.07.2020 / 07:57

Lidar respublikancaŭ u Pałacie pradstaŭnikoŭ Kanhresa ZŠA Kievin Makarci zajaviŭ, što ŭ bližejšy čas pradstavić zakonaprajekt suprać «rasiejskich chakieraŭ», jakich ZŠA, Vialikabrytanija i Kanada abvinavacili ŭ kibieratakach z metaj kradziažu źviestak ab raspracoŭcy vakcyny ad karanavirusa. Pra heta kanhresmien paviedamiŭ u siabie ŭ Twitter.

Moscow's continued malicious actions to weaken our pandemic response must not go unchecked. In the coming days, I will be introducing legislation to ensure these Russian hackers are held accountable. https://t.co/yTuFLanWVe

— Kevin McCarthy (@GOPLeader) July 16, 2020

Jon adznačyŭ, što nie pakinie biez adkazu «złamysnyja dziejańni Maskvy».

16 lipienia Nacyjanalny centr kibierbiaśpieki Vialikabrytanii (NCSC) paviedamiŭ, što chakiery z hrupy APT29 pasprabavali ŭzłamać źviestki farmakałahičnych kampanij i vykraści źviestki ab raspracoŭcy i testavańni vakcyny ad COVID-19. U Łondanie śćviardžali, što chakiery «amal sapraŭdy» kantralujucca rasijskaj vyviedkaj. Paźniej pra kibierataki zajavili śpiecsłužby ZŠA i Kanady. U Kramli admaŭlajuć datyčnaść da hetych napadaŭ i źviazvajuć abvinavačvańni sa sprobami zaplamić reputacyju rasijskaj vakcyny, jakaja rychtujecca vyjści na rynak.

Nashaniva.com