Jarmošyna kaža, što nasamreč Kanapackaja zdała navat bolš za 150 tysiač podpisaŭ

06.07.2020 / 11:06

Fota Nadziei Bužan

U CVK Biełarusi raspaviali, kolki podpisaŭ zdali pretendenty ŭ prezidenty dla rehistracyi kandydatami, piša Tut.by.

Alaksandr Łukašenka — 1 958 800

Viktar Babaryka — 367 179

Valeryj Capkała — 158 682

Hanna Kanapackaja — 151 631

Siarhiej Čeračań —149 750

Andrej Dźmitryjeŭ — 110 754

Śviatłana Cichanoŭskaja — 109 479

Nahadajem, 30 červienia CVK Biełarusi apublikavaŭ kančatkovyja źviestki ab pravieranych podpisach, sabranych za vyłučeńnie kandydataŭ u prezidenty.

Pavodle infarmacyi CVK, paśla pravierak u Valeryja Capkały zastałosia 75 249 podpisaŭ. U Viktara Babaryki — 165 744, u Alaksandra Łukašenki — 1 939 572, u Hanny Kanapackaj — 146 588, u Siarhieja Čeračnia — 143 109, u Andreja Dźmitryjeva — 106 841, u Śviatłany Cichanoŭskaj — 104 757.

Hanna Kanapackaja 29 červienia kazała, što zdała ŭ kamisii 110 tysiač podpisaŭ. U danych CVK ža adznačana, što paśla ŭsich pravierak u Kanapackaj zastałosia 146 588 sapraŭdnych podpisaŭ. Potym Kanapackaja patłumačyła, što jaje kamanda zdała bolš, a 110 tysiač — kolkaść podpisaŭ, jakija jana zdała ŭłasnaručna, a 35 tysiač zdali ŭ rehijonach.

Andrej Dźmitryjeŭ taksama zajaviŭ, što zdaŭ bolš za 107 tysiač, pra jakija kazaŭ raniej.

U štabie Siarhieja Čeračnia zajavili, što zdali ŭ kamisii 106 tysiač podpisaŭ i nie viedajuć, jak paśla pravierak sapraŭdnymi byli pryznanyja 143 109 podpisaŭ vybarščykaŭ.