Volha Sieviaryniec: Pavieł atrymaŭ jašče 30 sutak
15.06.2020 / 14:37
Fota Nadziei Bužan
Pra heta paviedamiła Volha Sieviaryniec u svaim fejsbuku.
«Siońnia pazvaniŭ čałaviek, jaki siadzieŭ z Paŭłam i skazaŭ, što Paŭłu dali jašče 2 pratakoły pa 15 sutak — ahułam atrymlivajecca 75 sutak [u jaho byli nie «adbytyja» ź zimy sutki, paśla akcyj suprać aktyŭnaj intehracyi — NN]».
Volha piša, što ŭ muža zabrali ŭsie rečy, u tym liku zubnuju ščotku, ciopłuju vopratku, srodki hihieny, a taksama ŭžo dva razy adpraŭlali ŭ KPZ, dzie vielmi chałodna. «Paša prosicca, kab pieradali pieradaču choć niejkuju, ale my nie možam hetaha zrabić, bo pieradačy nie prymajuć».
Pavieł byŭ zatrymany 7 červienia paśla pikieta na Kamaroŭcy. Na nastupny dzień jon byŭ asudžany na 15 sutak.