Błohier Šery kot i dva aktyvisty «Jeŭrapiejskaj Biełarusi» atrymali ad 17 da 25 sutak
13.06.2020 / 12:40
Aktyvisty «Jeŭrapiejskaj Biełarusi» Arciom Čarniak i Michaił Bandarenka, a taksama błohier Dźmitryj Kazłoŭ (Šery kot) asudžanyja na «sutki» i znachodziacca ŭ izalatary časovaha ŭtrymańnia na vulicy Akreścina ŭ Minsku, pieradaje PC «Viasna».
Błohier Dźmitryj Kazłoŭ (Šery kot) atrymaŭ sumarna 20 sutak aryštu. Arciom Čarniak — 25 sutak, Michaił Bandarenka — 17 sutak. Viadoma, što Bandarenku i Čarniaka sudzili ŭ sudzie Savieckaha rajona pa dvuch artykułach: 23.34 KaAP (udzieł u niesankcyjanavanym masavym mierapryjemstvie) i 23.4 KaAP (niepadparadkavańnie supracoŭnikam milicyi).
Aktyvisty byli zatrymanyja 10 červienia. Zatrymańnie pravodzili supracoŭniki AMAPa.