«Pryjemnaja dziaŭčyna pyšnych form». Identyfikavali pravakatarku z sustrečy ź Cichanoŭskim
30.05.2020 / 12:14
Ranicaj u subotu 39-hadovaja Alena Kuźmina pračnułasia viadomaj. Internaŭty vyśvietlili, što mienavita jana była toj pravakatarkaj u mascy, jakaja čaplałasia da błohiera Siarhieja Cichanoŭskaha. Jon zrazumieŭ, što žančyna maje niejkija niadobryja mety i staraŭsia adyści ad jaje.
Hałoŭnaja pravakatarka — sprava
Nieŭzabavie pobač źjavilisia dva milicyjanty. «Ja zadała pytańnie čałavieku, jon ad mianie ŭciakaje», — skazała Alena Kuźmina milicyjantam. Tyja paciahnuli Cichanoŭskaha za ruku, ludzi stali adšturchoŭvać ich ad błohiera. Incydent skončyŭsia zatrymańniem 10 čałaviek.
Čytajcie taksama. Pravakacyja ŭ Hrodnie: AMAP zatrymaŭ Cichanoŭskaha VIDEA
A internaŭty kinulisia vyśviatlać, što ž heta za žančyna ŭ džynsavaj kurtcy i kiepcy New Balance, jakaja ŭčyniła pravakacyju?
Spačatku pad narodny hnieŭ trapiła žančyna ź Viciebska — ale vyjaviłasia, što jana ni pry čym.
I tolki paśla ŭdałosia identyfikavać Alenu Kuźminu. Jana vystaŭlała ŭ svoj instahram zdymki ŭ tym ža adzieńni, u jakim była i ŭ Hrodnie. I formy, i rysy tvaru supadajuć.
Tyja samyja lehinsy i chudzi z ružovymi matuzkami
Ciapier ludzi pišuć u kamientarach pad jaje zdymkami ŭsio, što dumajuć pra pravakatarku. Pad samym papularnym fota amal 2000 kamientaroŭ! «Hańba» — samaje mirnaje i dobrazyčlivaje słova ŭ ich.
Pad hetym zdymkam za noč i ranicu sabrałasia 2000 kamientaroŭ
Karystalniki internetu vyjavili, što žančyna — udzielnica čatu «Raspusnaja Biełaruś». Znajšli i staroje fota z telefonnym numaram Aleny, na jakim «pryjemnaja dziaŭčyna pyšnych form» prapanuje pravieści viečar z mužčynam.
U telehram-kanale «Niechta» źjaviŭsia skrynšot pierapiski z akaŭntam, pryviazanym da telefonnaha numara žančyny. Ź jaho stanovicca zrazumieła, što dźvie hadziny času kaštujuć 120 umoŭnych adzinak.
«Brać minskuju prastytutku dla nastolki prazrystaj pastanoŭki ŭ inšym horadzie praź niekalki hadzin paśla zajaŭ prezidenta — heta cikavy simptom atrafii fantazii ŭ chareohrafaŭ», — napisaŭ u svaim telehram-kanale palityčny ahladalnik Arciom Šrajbman.
Žančyna pakul nie adkazała na zvanki karespandentaŭ «Našaj Nivy».