«Akademkniha» prapanuje: fartecyi Radziviłaŭ, historyja biełaruskich haradoŭ i parkavaha mastactva
U kniharni «Akademičnaja kniha» (pr. Niezaležnaści, 72) źjavilisia navinki ad vydaviectva «Biełaruskaja navuka».
08.04.2020 / 11:38
Mikoła Vołkaŭ. Zamki i fartecyi Radziviłaŭ na biełaruskich ziemlach u XVI — pačatku XVIII st.
Radziviły, jakija ličacca adnym z samych upłyvovych mahnackich rodaŭ u historyi Vialikaha Kniastva Litoŭskaha, mieli značnuju kolkaść zamkaŭ i fartecyj. 3 ich šasnaccać znachodzilisia na terytoryi Biełarusi — samymi viadomymi źjaŭlajucca Mir, Niaśviž i Słuck. U knizie na asnovie analizu abarončaj architektury, uzbrajeńnia i harnizonaŭ daśledujecca ich vajskovy patencyjał. Pieršasnaja ŭvaha nadadziena raskryćciu pryčyn budaŭnictva i ŭmoŭ funkcyjanavańnia ŭmacavanych rezidencyj Radziviłaŭ.
Raźličana na prafiesijnych historykaŭ, vykładčykaŭ, studentaŭ i ŭsich, chto cikavicca historyjaj Biełarusi i VKŁ.
Jurij Čanturija. Biełorusskoje hradostroitielnoje iskusstvo: sriednieviekovoje naśledije, rieniessans, barokko, kłaśsicizm v sistiemie jevropiejskoho zodčiestva
Adno z adkryćciaŭ hetaj pracy nastupnaje: akazvajecca, niekatoryja biełaruskija harady budavalisia pavodle ŭzoraŭ rańniechryścijanskich stalic i biblejskich vobrazaŭ.
Manahrafija — vynik amal 50-hadovaj pracy. Aŭtar daśledavaŭ 115 haradskich pasieliščaŭ Biełarusi, sotni dakumientaŭ i rekanstrukcyj.
Kniha budzie cikavaja navukoŭcam, architektaram, historykam, studentam i ŭsim, chto cikavicca architekturaj.
Armien Sardarov. Obrietienije raja = Attainment of Heaven: sady i parki v biełorusskoj i mirovoj architiekturie
Sadova-parkavaje mastactva raźvivałasia ŭ roznych narodaŭ jak ideja lepšaha, «idealnaha» žyćcia. Nie vypadkova idealny inšaśviet u roznych relihijach ujaŭlaŭsia ŭ vyhladzie «rajskaha sadu», jaki nieabchodna zdabyć čałavieku.
Niahledziačy na stylovyja i nacyjanalnyja admietnaści sadova-parkavaha mastactva roznych narodaŭ, było šmat i supolnaha, što ŭzychodziła da idei čaroŭnaj pryhažości i cudoŭnaj daskanałaści. Biełaruskaja architektura dasiahnuła ŭ hetym vidzie mastactva dzivosnych vyšyń i raznastajnaści.
Adrasavana šyrokamu kołu čytačoŭ, jakija cikaviacca historyjaj architektury.