Маршруты грамадскага транспарту Мінска зменяцца на час трэніровак роты ганаровай варты
02.04.2020 / 17:47
На час трэніровак зводнай роты ганаровай варты да парада войскаў Мінскага гарнізона 9 мая абмяжоўваецца рух усіх відаў транспарту па пр. Машэрава ад вул. Даўмана да пр. Пераможцаў, паведамляе прадпрыемства «Сталічны транспарт і сувязь».
Фота Надзеі Бужан.
Змяненні будуць дзейнічаць 6, 9, 13, 16, 20, 23, 27 і 30 красавіка з 21.00 да 23.00.
У прыватнасці, аўтобусы № 29, 44, 136 паедуць у прамым напрамку па пр. Машэрава, вул. Даўмана, Старавіленскім тракце, вул. Нававіленскай, вул. Арлоўскай і далей па маршрутах з выкананнем прыпыначных пунктаў «Нававіленская», «Выставачны комплекс», а назад — па пр. Пераможцаў, вул. Нямізе, вул. М.Багдановіча, пр. Машэрава з выкананнем прыпынкаў «Гасцініца «Юбілейная» і «ст. м. Няміга».
Маршруткі №1002-ТК, 1412-ТК з боку пр.Машэрава накіруюцца па вул. Даўмана, Старавіленскім тракце, вул. Нававіленскай, вул. Арлоўскай і далей па звычайным шляху ў абодвух напрамках.
Маршрутка № 1107-ТК з боку пр. Пераможцаў паедзе па вул. Мельнікайтэ, вул. Заслаўскай, пр. Машэрава і далей па звыклай схеме ў абодвух напрамках.