Papularny ŭniviersam na Majakoŭskaha ŭ Minsku pieratvaryli ŭ supiermarkiet «Santa»

U Minsku na vulicy Majakoŭskaha, 146 adkryŭsia bujny supiermarkiet «Santa». Paśla kapitalnaha ramontu tut źjavilisia doŭhija vitryny z praduktami, zona dla hurmanaŭ, piakarnia i piceryja. Inviestycyi ŭ madernizacyju supastaŭnyja z zapuskam kramy «z nula».

01.04.2020 / 16:32

Supiermarkiet «Santa» raźmiaściŭsia na miescy byłoha ŭniviersama. Budynak mieścicca pasiarod ščylnaha žyłoha masivu, pobač prakładziena šmatuzroŭnievaja raźviazka.

Brescki rytejler całkam abnaviŭ kramu: na kapitalny ramont pajšło kala dvuch miesiacaŭ. U handlovuju zału zavieźli bujnyja vitryny i pastavili mahutnaje abstalavańnie, źjavilisia placoŭki ź ježaj na vynas. Źmianiŭsia i interjer, a fasady «apranulisia» ŭ paneli koleru marskoj chvali.

Handlovaja zała płoščaj 700 «kvadrataŭ» źmiaščaje amal 19 tysiač najmieńniaŭ tavaraŭ — udvaja bolš, čym u zvyčajnych kramach. Bačnaje miesca la ŭvachodu adviali pad sadavinu i harodninu. Šmat i bakalei: krupy, makarony, kansiervy, słaniečnikavy alej, roznyja vidy harbaty i kavy.

U kramie pradstaŭleny dziasiatki vidaŭ zamarožanaj ryby — śviežyja partyi praciahvajuć pastupać sa Skandynavii. U kramie taksama prapanujuć miasnyja i kurynyja paŭfabrykaty ŭłasnaj vytvorčaści.

Praduhledžana zona z hatovymi stravami: sałatami, katletami, sušy. Na hryli smažycca kurania, a vypiečka pastupaje ź piakarni pry kramie. Jość i svaja piceryja: italjanskuju stravu rychtujuć z naturalnych inhredyjentaŭ.

«Santa» na vulicy Majakoŭskaha, 146 pracuje z 8 da 23 hadziny. Pakupnikoŭ absłuhoŭvajuć šeść kas.

Sietka «Santa» ŭvachodzić u adnajmienny chołdynh, jaki taksama ŭklučaje vytvorcy «Santa Bremar» i małočnuju kampaniju «Savuškin pradukt». Handlovaja sietka naličvaje bolš za 150 roźničnych kramaŭ, a ahulnaja kolkaść rabotnikaŭ pieravyšaje 7 tysiač čałaviek.