Vypadak karanavirusa vyjaŭleny ŭ Lelčycach

30.03.2020 / 10:09

U Lelčycach Homielskaj vobłaści, mahčyma, źjaviŭsia karanavirus. Uviečary ŭ niadzielu miascovyja ŭłady paviedamili pra toje, što tut pravodzicca epidemijałahičnaje rasśledavańnie pa vyjaŭleńni mahčymaha vypadku COVID-19, paviedamlaje kp.by.

Heta značyć, śpiecyjalisty vyśviatlajuć, ci nasamreč heta karanavirus, adkul i jak jon moh źjavicca. Padrabiaznyja źviestki pakul nie vydajuć — ich abiacajuć dać paśla zaviaršeńnia epidrasśledavańnia i atrymańnia ŭsich vynikaŭ testavańnia.

— Pacyjent špitalizavany ŭ Homielskuju infiekcyjnuju balnicu, jaho kantakty taksama znojdzienyja i znachodziacca na miedycynskim abśledavańni, — havorycca ŭ paviedamleńni, apublikavanym na staroncy Lelčyckaha rajvykankama.

Raniej karanavirus byŭ vyjaŭleny ŭ žančyny, špitalizavanaj ź pnieŭmanijaj u susiednim ź Lelčyckim Žytkavickim rajonie. Adnak paźniej daktary abvieścili, što pry pierapraviercy dyjahnaz nie paćvierdziŭsia.

Pavieł Mickievič, kp.by; nn.by