U Minsku mikraaŭtobus padrezaŭ «Falksvahien» — lehkavik ad udaru vykinuła na tratuar
03.03.2020 / 16:47
Jak paviedamlaje telehram-kanał DAI Minska, 40-hadovy kiroŭca aŭtamabila «Ivieka» ruchaŭsia pa vulicy Daŭhabrodskaj u kirunku vulicy Kazłova. Źmianiajučy pałasu ruchu, jon padrezaŭ «Falksvahien».
Adbyłosia sutyknieńnie, ad udaru lehkavik adkinuła na tratuar. Paciarpiełych u DTZ niama, mašyny atrymali miechaničnyja paškodžańni.
Na kiroŭcu «Ivieka» składzieny administracyjny pratakoł, jamu pahražaje štraf, a moža i pazbaŭleńnie pravoŭ.