U infiekcyjnaj balnicy Minska abviaścili karancin

28.02.2020 / 13:39

Fota Nadziei Bužan

Minskaja haradskaja kliničnaja infiekcyjnaja balnica ŭviała karancin. Uvachod na terytoryju balnicy zabaronieny, piša Tut.by.

Karancin ŭviali 28 lutaha, z 9 hadzin ranicy. Z hetaha momantu naviedvańnie chvorych i ŭvachod na terytoryju balnicy zabaronienyja.

Akramia taho, infiekcyjnaja balnica časova spyniła płanavy kansultatyŭny pryjom pacyjentaŭ (akramia pacyjentaŭ dyspansiernaha adździaleńnia pa VIČ i dyspansiernaha kabinieta pa hiepatycie, jakija majuć patrebu ŭ vydačy lekavych srodkaŭ dla praciahu lačeńnia).

28 lutaha Ministerstva achovy zdaroŭja paviedamiła pra pieršy paćvierdžany vypadak karanavirusa ŭ Biełarusi. Im akazaŭsia zaražany student BNTU ź Irana. U hety momant jon znachodzicca ŭ staličnaj infiekcyjnaj balnicy, akramia jaho, na karancin źmiaścili i studentaŭ, jakija pražyvali ź im na zdymnaj kvatery.