Virusołah nazvaŭ hałoŭnaje adroźnieńnie karanavirusa ad vostraj reśpiratorna-virusnaj infiekcyi
28.02.2020 / 08:48
Adroźnić simptomy karanavirusa ad simptomaŭ VRVI składana, ich hałoŭnaje adroźnieńnie — u tempieratury cieła. Pry VRVI jana budzie vysokaj. Pra heta zajaviŭ virusołah, dyrektar Instytuta miedycynskaj parazitałohii, trapičnych i tranśmisiŭnych zachvorvańniaŭ Siečanaŭskaha ŭniviersiteta ŭ Maskvie Alaksandr Łukašoŭ, pieradaje TASS.
Pavodle jaho słoŭ, vysokaja tempieratura źjaŭlajecca adnym z asnoŭnych simptomaŭ VRVI, ale nie karanavirusa. U astatnim hetyja virusy majuć padobnuju simptamatyku, adznačyŭ Łukašoŭ. «Ad hrypu klinična adroźnić składana. Adzinaje — vysokaja tempieratura, skažam 39 hradusaŭ, nie charakternaja dla novaha karanavirusa», — skazaŭ jon.
Taksama pry karanavirusie kašal pieravažna suchi. Mokry kašal, jak praviła, źjaŭlajecca simptomam branchitu, dadaŭ virusołah.
Pry padazreńni na karanavirus Łukašoŭ paraiŭ adrazu telefanavać u chutkuju i nikudy nie chadzić, kab paźbiehnuć ryzyki pieradačy infiekcyi.