Kamanda z Mahilova žartavała na KVZ ź biełaruskich realij i Łukašenki. Ale heta ŭ efiry ANT nie pakazali
16.02.2020 / 17:34
Kamanda z Mahilova «Doktar Chauss» pieršy raz zhulała ŭ Vyšejšaj lizie KVZ. 15 lutaha hulniu pakazali pa rasijskim «Pieršym kanale», paviedamlaje Jeŭraradyjo.
Jany žartujuć i pra intehracyju Biełarusi i Rasii, i pra pieramohi Łukašenki na vybarach. Ale nie pra bulbu: «Pra relihiju žartavać nielha!»
Voś jak heta było. Vystupleńni biełarusaŭ na 17:40 i na 1:08:00:
— My ŭžo try dni ŭ Maskvie. Ty ŭžo pracu znajšoŭ?
— Dy ja naohuł siudy pryjechaŭ z pryhožaj dziaŭčynaj paznajomicca …
— Ty durań? U Maskvie ŭsio viedajuć, što ź biełarusami nielha. My ž braty!
— Tak, vy biełaruskija navukoŭcy? Voś vam rydloŭki, šukajcie naftu. Vam dali hod.
— A kali nie znojdziem?
— Daduć pa piać!
— A heta čyje dekaracyi?
— Heta ahulnyja.
— A my, biełarusy, naohuł nie suprać, kab rasijskaje było ahulnym!
— «Apostał Łuka» — heta nie imia. Heta niedapisanaje proźvišča…
— Saša, my biełarusy! Nam zabaroniena śvistać na zakanadaŭčym uzroŭni!
— U nas što, niama hrošaj?
— U nas jość hrošy, nam dajuć sponsary. Ale my ž biełarusy, my nie ŭmiejem pravilna vykarystoŭvać čužyja hrošy!
U vyniku kamanda chacia i z treciaha miesca, ale vyjšła ŭ čverćfinał. Vinšujem!
Ale voś u efiry na ANT u subotu vypusk KVZ nie pakazali.