Wargaming vyłučyć $10 miljonaŭ na baraćbu z karanavirusam
31.01.2020 / 18:56
Wargaming achviaruje 10 miljonaŭ dalaraŭ na baraćbu z karanavirusam u Kitai, paviedamili dev.by u kampanii. Jana akaža dapamohu praz kitajskaha stratehičnaha partniora — 360 Group.
— Epidemičnaja situacyja ciažkaja i terminova nieabchodna źniešniaja dapamoha. 360 Group była abranaja ŭ jakaści partniora z-za efiektyŭnaha supracoŭnictva ź im na kitajskim rynku, — prakamientavaŭ rašeńnie kiraŭnik Wargaming Viktar Kisły.
Wargaming užo šukaje bujnych vytvorcaŭ miedycynskaha abstalavańnia pa ŭsim śviecie, a taksama pastaŭščykoŭ miedycynskich masak, palčatak, srodkaŭ dezynfiekcyi, achoŭnaha adzieńnia, akularaŭ i hetak dalej. Mytnym dekłaravańniem, pravierkaj jakaści i raspaŭsiudžvańniem miedabstalavańnia i miedycynskich srodkaŭ budzie zajmacca 360 Group.