Łukašenka: Vialikaje Kniastva Litoŭskaje było biełaruskaj dziaržavaj biassprečna

25.12.2019 / 21:10

Vialikaje Kniastva Litoŭskaje (VKŁ) było biełaruskaj dziaržavaj, zajaviŭ Alaksandr Łukašenka ŭ intervju radyjostancyi «Echo Moskvy».

«A litoŭcy vašyja braty biełaruskija?» — spytaŭ jaho Alaksiej Vieniedyktaŭ.

«Viadoma, braty, — adkazaŭ kiraŭnik Biełarusi. — Uličvajučy asabliva, što my byli kaliści ŭ Vialikim Kniastvie Litoŭskim. Heta była biełaruskaja dziaržava, i litoŭcy tam byli, častka palakaŭ. Biełaruskaje. Jak historyk vy pavinny viedać. I nichto nie asprečvaje siońnia», — dadaŭ Alaksandr Łukašenka.

Traktoŭka VKŁ jak biełaruskaj dziaržavy charakterna dla biełaruskaj nacyjanalnaj histaryjahrafii. U savieckaj tradycyi ličyłasia, što litoŭskija fieadały paniavolili biełaruskija ziemli. Zajava Alaksandra Łukašenki śviedčyć pra toje, što nacyjanalnaje bačańnie historyi ciapier raspaŭsiudziłasia i na jaho.