Журналісты паведамілі пра «шалёную нянавісць» Трампа да Украіны
03.11.2019 / 10:21
The Washington Post паведамляе, што Дональд Трамп з першых дзён сваёй працы ў Белым доме адчуваў «шалёную нянавісць» да кіраўніцтва Украіны.
У сваім матэрыяле выданне спасылаецца на дзеючых і былых супрацоўнікаў адміністрацыі прэзідэнта.
Крыніцы спасылаліся на майскую сустрэчу Трампа з дарадцамі ў Авальным кабінеце. На ёй прэзідэнта спрабавалі пераканаць, што новы ўкраінскі лідар Уладзімір Зяленскі заслугоўвае падтрымкі ЗША.
Тады кіраўнік Белага дома лічыў, што кіраўніцтва Украіны знаходзілася ў змове з дэмакратамі, каб падарваць яго прэзідэнцкую кампанію 2016 года.
На гэтай жа сустрэчы Трамп сказаў, што ўкраінскія чыноўнікі «жудасныя, карумпаваныя людзі».
«Мы ніколі не маглі гэтага зразумець. Былі абвінавачванні ў тым, што яны нейкім чынам працавалі з кампаніяй Клінтан. Былі абвінавачванні, што яны маглі нашкодзіць яму. Ён проста ненавідзеў Украіну», — заявіў чыноўнік Белага дома.