U Rasii sprabujuć zabaranić dziciačaje šampanskaje
29.10.2019 / 07:16
Ministerstva achovy zdaroŭja RF vykazaŭ hatoŭnaść vysłuchać inicyjatyvu zabaranić u Rasii prodaž dziciačaha biezałkaholnaha šampanskaha, piša tass.ru.
Raniej hałoŭny pazaštatny psichijatr-narkołah Ministerstva achovy zdaroŭja RF Jaŭhien Brun vystupiŭ z prapanovaj zabaranić u Rasii prodaž dziciačaha biezałkaholnaha šampanskaha, bo jano źjaŭlajecca svajho rodu rekłamaj ałkaholu. Pradstaŭniki fiederalnaha prajekta «Ćviarozaja Rasija» taksama padtrymali dadzienuju inicyjatyvu, bo «dziciačyja butafornyja ałkaholnyja napoi razmyvajuć miažy dazvolenaści». U «Ćviarozaj Rasii» taksama ličać, što padobnyja inicyjatyvy varta razhladać u kompleksie mier, skiravanych na baraćbu z prapahandaj ałkaholu.