Bukmiekiery vyłučajuć Džordža Marcina na Nobiela pa litaratury
09.10.2019 / 08:03
Bukmiekiery ŭklučyli ŭ śpis pretendentaŭ na Nobieleŭskuju premiju pa litaratury aŭtara epapiei «Pieśnia Lodu i Połymia» Džordža Marcina, paviedamlajuć infarmahienctvy.
Pieramožca budzie abvieščany 10 kastryčnika. Imiony kandydataŭ, jakich razhladaje Šviedskaja akademija, tradycyjna trymajucca ŭ sakrecie. Aŭtarytetny bukmiekierski sajt Nicer Odds apublikavaŭ śpis mahčymych pretendentaŭ.
Pieršyja radki ŭ im zajmajuć kanadskaja paetka Ann Karsan, piśmieńnica Maryz Kande z Hvadełupy i kanadskaja piśmieńnica Marharet Etvud — aŭtarka biestsielera «Natatki słužanki», jaki loh u asnovu papularnaha sieryjała «Apovied słužanki».
Chto takaja En Karsan, abo Pieršy bukmiekierski śpis pad sioletniaha «nobiela»
Siarod vierahodnych kandydataŭ - Ludmiła Ulickaja, Miłan Kundera i Charuki Murakami, a ŭ kancy śpisu — Džordž Marcin.
Sioleta buduć abranyja dva łaŭreaty, pakolki letaś na fonie skandału z-za seksualnych damahańniaŭ Šviedskaja akademija nie stała ŭručać premiju pa litaratury.