Kola Łukašenka ŭ akružeńni dziasiatka pryhažuń pieradaŭ uradžaj domu-internatu dla vieteranaŭ
25.09.2019 / 19:01
Pradukcyju z ekśpierymientalnych paloŭ, a taksama padvorka Alaksandra Łukašenki siońnia Kola Łukašenka ŭ akružeńni dziaŭčat (tut i Maryja Vasilevič, i Natalla Ejsmant) pieradaŭ u padšefnyja arhanizacyi, paviedamlaje BiełTA.
Adnym ź pieršych punktaŭ pryznačeńnia staŭ dom-internat dla vieteranaŭ i ludziej z abmiežavanymi mahčymaściami na vulicy Vaŭpšasava ŭ Minsku, siudy pieradali 4 tony bulby elitnych hatunkaŭ biełaruskaj sielekcyi, sabrany ŭ Aleksandryi miod, saleńni i vareńnie, jakija pryhatavali kuchary kiraŭnika dziaržavy, biełaruskija dyni z uźbiekskaha nasieńnia, čysta biełaruskija jabłyki, biarozavy i jabłyčny soki.
Pieršaja dehustacyja prajšła na miescy z čajem, razmovami i pieśniami.
Kožnamu z čatyroch sotniaŭ tych, chto pražyvaje va ŭstanovie, uručyli pa ciopłym šarścianym pledzie biełaruskaj vytvorčaści.
Nie zabylisia hości i pra miascovuju mini-fiermu. Siońnia pa śpieczakazie ad miascovych žycharoŭ fierma papoŭniłasia jašče dziesiaćciu kurami hałandskich parod.