U Isłandyi rastaŭ ledavik, jakomu było 700 hadoŭ. Na cyrymoniju raźvitańnia pryjšło kiraŭnictva krainy
19.08.2019 / 08:38
U Isłandyi ŭ niadzielu, 18 žniŭnia, adbyłasia ŭračystaja cyrymonija raźvitańnia ź lednikom Okjekudl. Jaho ŭzrost 700 hadoŭ. Ciapier ad jaho zastajecca nievialikaja biełaja plama na viaršyni vułkana. U 2014 hodzie navukoŭcy ŭpieršyniu pierastali rehistravać ruch ladovaj masy, i Okjekudl byŭ pryznany takim, jaki spyniŭ svajo isnavańnie, paviedamlaje svoboda.org
Heta vynik paciapleńnia klimatu, jakoje adbyvajecca ŭ apošnija dziesiacihoddzi.
Na cyrymoniju raźvitańnia prybyli premjer-ministr i ministr navakolnaha asiaroddzia Isłandyi. Paśla ŭstupnaj pramovy kiraŭnika ŭrada Katryn Jakobsdocir, usie stali pa schile vułkana, raźmieščanaha na paŭnočny ŭschod ad Rejkjavika, kab ustalavać miemaryjalnuju došku z zapisanym na joj listom dla budučych pakaleńniaŭ.
«U najbližejšyja 200 hadoŭ usie našy ledaviki čakaje taja ž dola». Hety pomnik tut, kab pakazać, što my viedajem što adbyvajecca i što treba zrabić. Tolki vy viedajecie, atrymajecca nam heta zrabić ci nie».