«Łukašenka ŭžyvaŭ hamafobnuju rytoryku bolš žorstkuju, čym u našych materyjałach». Jak sudzili «Viačerni Mahiloŭ» VIDEA
09.07.2019 / 15:13
Na pasiadžeńnie pryjšli žurnalisty, ŁHBT-aktyvisty i chryścijanskija aktyvisty z abrazami. Repartaž z zały suda ad mspring.online.
Raniej redakcyja haziety «Viačerni Mahiloŭ» za podpisam pieršaha namieśnika ministra infarmacyi Respubliki Biełaruś Paŭła Lohkaha atrymała ekśpiertnaje zaklučeńnie kamisii pa acency infarmacyjnaj pradukcyi na pradmiet najaŭnaści ŭ joj prykmiet prajavaŭ ekstremizmu ad 5 krasavika 2019 hoda №174.
Pavodle dadzienaha zaklučeńnia, u dvuch artykułach, apublikavanych u haziecie «Viačerni Mahiloŭ» i na sajcie ŭ 2015—2016 hadach pad nazvaj «U što vylivajecca nieciarpimaść da vyčvarencaŭ?» i «Liryčnych pačućciaŭ naciahnutyja struny» znajšli prykmiety ekstremizmu.
Sud Leninskaha rajona pavinien ustanavić, ci sapraŭdy materyjały źjaŭlajucca ekstremisckimi. Praces pačaŭsia 8 lipienia. Voś tut možna ŭbačyć i pačuć, jak usio adbyvałasia i što kazaŭ na pasiadžeńni abaronca haziety:
Padtrymać hazietu pryjšło kala dvuch dziesiatkaŭ pravasłaŭnych aktyvistaŭ. Z saboj jany prynieśli ikony. Chtości pryvioŭ navat dziaciej, adnak sakratar sudovaha pasiadžeńnia zabaraniła niepaŭnaletnim prysutničać na pracesie.
Hałoŭny redaktar vydańnia Nadzieja Leŭčanka na sud nie pryjšła. Intaresy redakcyi pradstaŭlaŭ jaje syn Stanisłaŭ, jaki źjaŭlajecca jurystam «Viačerniaha Mahilova». Jon atrymaŭ skandalnuju viadomaść, kali ŭ 2015 hodzie budučy sudździoj suda Mahiloŭskaha rajona vydaŭ u haziecie asabistuju infarmacyju pra transhiendara, jakoha zatrymała milicyja.
Apaniravaŭ jamu supracoŭnik Leninskaha RAUS Jaŭhien Słaŭnikaŭ, jaki vioŭ administracyjny praces u dačynieńni da haziety.
Užo ŭ samym pačatku pasiadžeńnia sudździa Alaksandr Buškievič zrabiŭ niekalki zaŭvah pravasłaŭnym abaroncam haziety, pakolki tyja niekalki razoŭ dazvalali sabie repliki z zały.
Stanisłaŭ Leŭčanka adrazu ž zajaviŭ sudździ advod. Jon matyvavaŭ heta tym, što Buškievič — były śledčy Śledčaha kamiteta i, jak były siłavik, niehatyŭna stavicca da ŁHBT.
— U dadzieny momant sudździu niepryjemna razhladać spravu. U suviazi z hetym sudździa nie moža pa ŭnutranych pierakanańniach jaho razhladać, — zajaviŭ Leŭčanka.
Buškievič chadajnictva ab advodzie adchiliŭ.
U svaim dalejšym vystupleńni Leŭčanka raspavioŭ, što ekśpiertnaja kamisija, jakaja znajšła prykmiety ekstremizmu ŭ materyjałach «Viačerniaha Mahilova», nie paviedamiła pra datu i miesca svajho pasiadžeńnia, a taksama nie prysłała svajo zaklučeńnie ŭ redakcyju haziety.
Akramia taho, vydańnie nie atrymała kopiju pratakoła pasiadžeńnia kamisii. Juryst «Viačorki» zrabiŭ zdahadku, što heta źviazana z mahčymymi falsifikacyjami z boku kamisii.
Jon zajaviŭ, što hazieta ŭžo padała skarhu na ekśpiertnuju kamisiju ŭ Ekanamičny sud Minska. Vynikaŭ pakul niama — dakumienty, jak śćviardžaje Leŭčanka, pastupili ŭ mienski sud tolki siońnia, 8 lipienia.
Kab pierakanacca ŭ hetym, sudździa Alaksandr Buškievič abviaściŭ pierapynak u pracesie da 11 lipienia.
Adrazu paśla pasiedžańnia ŭ budynku suda pravasłaŭnyja aktyvisty dazvolili sabie niekalki niehatyŭnych vykazvańniaŭ na adras ŁHBT. U pryvatnaści, adnaho z hledačoŭ jany nazvali «pietušaraj», a hiejaŭ —- «piedarastami».
Z pradstaŭnikami ŚMI i Leŭčanka, i abaroncy haziety razmaŭlać admovilisia.
Skončyli svoj pachod u sud jany ahulnym fota z abrazami.