Stała viadoma, kolki kaštavała rekanstrukcyja vulicy Kamsamolskaj u Minsku
12.06.2019 / 15:41
Pavodle infarmacyi mera Minska Anatola Sivaka, rekanstrukcyja Kamsamolskaj kaštavała 3,5 miljona rubloŭ, piša Tut.by
Fota Vadzima Zamiroŭskaha
Na pytańnie, jak stavicca kiraŭnictva Minharvykankama da krytyki rekanstrukcyi vulicy, jakuju vykazvali błohiery i ŭrbanisty, Anatol Sivak adkazaŭ tak:
— Nakont krytyki: davajcie damovimsia ŭ nastupny raz sustrecca na Kamsamolskaj — tady možna budzie kazać detalova. Krytycy padviarhajecca ŭsio, tamu što niama standartnaha, adnaho pohladu na takija rečy. Acanić talent niejkaha architektara možna tolki z časam. Kali hetaha vyprabavańni čałaviek nie vytrymlivaje - značyć, źjaŭlajecca bolš talenavity, a papiaredni ŭžo nie pieramahaje ŭ konkursie. Ale krytyka patrebna, i na jaje treba reahavać.