Stralanina ŭ municypalnym centry ŭ Virdžynii: zahinuli 12 čałaviek

01.06.2019 / 08:23

WAVY / NBC News

Spačatku achviarami stralaniny ŭ budynku municypalnaha centra ŭ horadzie Virdžynija-Bič u štacie Virdžynija stali 11 čałaviek. Pra heta na bryfinhu paviedamiła aficer vajskovaj palicyi Tonia Pirs, pieradaje miascovy telekanał WTKR. Taksama, skazała jana, miortvy i sam padazravany ŭ stralbie (12-y zahinuły). Jašče šeść čałaviek, skazała Pirs, atrymali ranieńni, siarod ich — adzin palicejski. U jakim stanie jany zaraz znachodziacca, nie viadoma.

Paźniej stała viadoma ab tym, što ŭ vyniku zdareńnia pamior jašče adzin čałaviek.

Strałok byŭ miascovym dziaržsłužačym. U municypalitecie jon pracavaŭ daŭno. Kiraŭnik haradskoj palicyi Džym Server na bryfinhu nazvaŭ jaho «niezadavolenym». Ahoń, pa dadzienych Servera, jon adkryŭ na niekalkich pavierchach. WTKR raniej ŭdakładniaŭ, što ŭ hetym budynku centra raźmiaščałasia ŭpraŭleńnie budaŭnictva horada, a taksama departamient kamunalnaj haspadarki.