Šeście «Nieśmiarotnaha pałka» nie dazvolili, ale sabracca la domika RSDRP možna

03.05.2019 / 17:40

Były deputat Pałaty pradstaŭnikoŭ, a taksama adzin z zajaŭnikaŭ «Nieśmiarotnaha pałka» Valeryj Drako paviedamiŭ «NN», što 9 maja achvotnyja ŭziać udzieł u akcyi buduć źbiracca a 10 hadzinie la domika pieršaha źjezda RSDRP na vulicy Kamunistyčnaj.

Fota Siarhieja Hudzilina.

«Heta ŭzhodniena ź Minharvykankamam», — adznačyŭ Drako.

Takim čynam, vychodzić, što asobnaha šeścia «Nieśmiarotnaha pałka» na Dzień Pieramohi nie budzie. Letaś «Nieśmiarotny połk» prajšoŭ ad fiłarmonii na płoščy Jakuba Kołasa da płoščy Pieramohi.

«Nieśmiarotny połk» — heta akcyja, jakaja naradziłasia ŭ hłybincy Rasii, kali ludzi stali vychodzić na 9 maja z partretami svajakoŭ, što zahinuli ŭ časy Druhoj suśvietnaj vajny. Praŭda, potym dobruju pa pasyle akcyju pierachapiła rasijskaja prapahanda. U vyniku «Nieśmiarotny połk» pieraŭtvaryŭsia ŭ demanstracyju siły «ruskaha śvietu».

Letaś na «Nieśmiarotny połk» u Minsku vyjšła 1500 čałaviek. Było šmat ludziej z partretami Stalina, u majkach «DNR» i «Vietlivyja ludzi». Faktyčna, heta była najbujniejšaja vuličnaja akcyja «ruskaha śvietu» za apošniaje dziesiacihodździe.

ZP